طاجين الحوت ج1
1
الأم – الخادمة
(الفضاء عبارة عن غرفة للجلوس)
-الأم: (تظهر) حليمة.. حليمة.. فين مشات هاد شنيولا؟. وا حليمة
-الخادمة: نعم ألالَّة.. غوتي علي؟
-الأم: يغوتو عليك النَّعاية نشاع الله أشنيولا.. فين كنت؟.. غواتي سمعوه الميتين
-الخادمة: كنت ألالَّة فوق سطح كنكمَّل نشير لغسيل
-الأم: فين هي الصورة لي كانت معلقة هنا؟
-الخادمة: ديال سيدي عادل ألالة؟
-الأم: إييه ديال ولدي عادل.. علاه كانت شي صورة غيرها هنا؟
-الخادمة: علاه ما قلتش لك ألالَّة.. راه سيدي هو لي قال لي نزولها من هنا قبل ما يخرج هاد صباح..
-الأم: تخرج روحك نشاع الله.. ياك أشنيولا.. وليت كديري شغالات من ورا ظهري؟
-الخادمة: والله ألالَّة راه سيدي هو لِّي..
-الأم: سكتي الله يعطيك اللَّقوة نشاع الله.. وفين هي داب؟
-الخادمة: راني مخبياها ألالَّة في بيت لخزين
-الأم: ياك أشنيولا بيت لخزين.. صورة ولدي ترميها في بيت لخزين.. ما بقى خصُّو غير بيت لخزين
-الخادمة: راه ألالَّة سيدي ولَّى خايف على صحتك من كترت ما كتشدِّي صورة سيدي عادل وكتبقاي تبكي عليها..
-الأم: بارك علي من هاد الكلام الخاوي.. وسيري جبيها رجعيها لبلاصتها
-الخادمة: عنداك ألالَّة يخاصم عليَّ سيدي؟
-الأم: قلت لك خلاص سيري جبيها أشنيولا
-الخادمة: توتسويت ألالَّة.. بحال شنيولا (تختفي)
-الأم: والله إلى وحدة أخرى هدي.. حتى الريحة لي بقات لي من ولدي.. لِّي ما عندي غير هو في هاد الدنيا.. حتى هي بغاو يحرموني منها.. ما عرفتو لا حي لا ميت.. شحال هدي تقطعت علي خبارو
-الخادمة: (تظهر) لالَّة.. لالَّة
-الأم: أش كاين أشنيولا؟
-الخادمة: ها سيدي وصل
-الأم: أرا لي صورة ولدي.. وسيري حلي الباب على سيدك
-الخادمة: توتسويت ألالَّة.. بحال شنيولا (تختفي)
2
الأب - الأم – الخادمة
-الأب: (يظهر) ما زلتِ يا هاد لمرة ما بغيت تحبسي علي من هاد لبكا؟؟؟
-الخادمة: (بهمس) والله إلى حشومة عليها.. طَيْبَتْ له مسكين قلبو
-الأب: باللِّيل و بنهار . واه بزَّاف هاد شِّي.. (للخادمة) ياك قلت لك أنت هاد صباح باش تزوليها من تماك وتخبِّيها
-الخادمة: راه أسيدي لالَّة هي..
-الأم: سيري دخلي هديك القفَّة لِّي في يدك للكوزينة.. وقابلي شغالك..
-الخادمة: توتسويت ألالَّة.. بحال شنيولا (تختفي)
-الأب: أنا عارفك أ الحاجة ما كتبغيش الحوت.. ولكن راني جبت واحد الحوتة كبيرة قد هكَّا (يشير بيده إلى الكتف) لَّا غير قد هكَّا (يشير إلى المرفق) إوا ضحكي أ الحاجة خلاص عليَّ
-الخادمة: ولي علاه هاد لقفيفة غادية تهز حوتة قد هكداك؟ لَّا، غير قد هكَّا صافي.. لكدوب حرام.. (تشير إلى كفها)
-الأب: تشهِّيت نتغدَّى عليها اليوم في شي طاجين فاعل تارك
-الأم: أش هاد شِّي كنسمع أ الحاج.. ولي ستغفر الله العظيم.. ؟؟؟ وصلت بك قْصُحِيَّتْ قلبك لدرجة تاكل لحم ولدك لِّي ما عندك غير هو!!!
-الأب: أعوذُ باللَّه من غضب الله.. واش قلت هاد شي أ عباد اللَّه؟؟؟؟
-الخادمة: ناري على باطل شحال واعر!!!
-الأم: بحال والو تكون هاد الحوتة بنت لحرام كالت لي لكبيدة ديالي
-الخادمة: قلبها هشيش بزَّاف مسكينة
-الأم: (للصورة) كون تحديت الظروف يا ولدي، وبقيت في بلادك، كون كع ما وقع لك وليا لي وقع
-الخادمة: معقول والله إلى معقول
-الأب: لعني الشيطان أ الحاجة.. شكون لي قال لك بلي ولدنا عادل مات فعلاً غارق في البحر.. ياك البارح عاد أكَّد لنا واحد بلي شافو في مدريد
-الخادمة: كيبيع الدِّطايْ وسيري صبابط
-الأم: راه وقيلا غير تشابه له.. أنا وحدي.. لِّي حاسَّة بحرقتو في قلبي.. كون كنت حتى انت محروق عليه كون مشيت لهاد سبانيا قلَّبت عليه إلى كاين بصَّح تماك كيف ما كيقولو.. ما لها بعيدة؟ (تختفي)
-الخادمة: والله إلى بقات في مسكينة
-الأب: راه ما بقى لي غير قد هكَّا وغادي نفاجر.. نفاجر؟؟؟؟ شكون لي قال غادي ينفاجر؟؟؟
-الخادمة: أنا بعدا ما قلتهاش (تختفي)
-الأب: يا حفيظ.. يا ربي السَّلامة.. (يشعل التلفاز. بعد لحظة، يتمدد على الكنبة. يأخذ صورة ابنه. ينظر إليها قليلاً، ويضمها إلى صدره، ثم ينام)
-الخادمة: ناري على باطل شحال واعر!!!
-الأم: بحال والو تكون هاد الحوتة بنت لحرام كالت لي لكبيدة ديالي
-الخادمة: قلبها هشيش بزَّاف مسكينة
-الأم: (للصورة) كون تحديت الظروف يا ولدي، وبقيت في بلادك، كون كع ما وقع لك وليا لي وقع
-الخادمة: معقول والله إلى معقول
-الأب: لعني الشيطان أ الحاجة.. شكون لي قال لك بلي ولدنا عادل مات فعلاً غارق في البحر.. ياك البارح عاد أكَّد لنا واحد بلي شافو في مدريد
-الخادمة: كيبيع الدِّطايْ وسيري صبابط
-الأم: راه وقيلا غير تشابه له.. أنا وحدي.. لِّي حاسَّة بحرقتو في قلبي.. كون كنت حتى انت محروق عليه كون مشيت لهاد سبانيا قلَّبت عليه إلى كاين بصَّح تماك كيف ما كيقولو.. ما لها بعيدة؟ (تختفي)
-الخادمة: والله إلى بقات في مسكينة
-الأب: راه ما بقى لي غير قد هكَّا وغادي نفاجر.. نفاجر؟؟؟؟ شكون لي قال غادي ينفاجر؟؟؟
-الخادمة: أنا بعدا ما قلتهاش (تختفي)
-الأب: يا حفيظ.. يا ربي السَّلامة.. (يشعل التلفاز. بعد لحظة، يتمدد على الكنبة. يأخذ صورة ابنه. ينظر إليها قليلاً، ويضمها إلى صدره،
Article ajouté le 2008-06-12 , consulté 82 fois
Retour aux articles
Commentaires